Kategorie-Archiv: Uncategorized

Nu blifft dat jümmer Harvst “op uns Fresenhof”

De meersten, de een plattdüütsch Leed nömen schüllt, segget toirst “Dat du mien Leevsten büst” un denn glieks “Fresenhof”. Kannst seggen, he hett dat henkregen: Knut Kiesewetter hett een rejellet Folksleed schreven. Wo faken hebbt wi bi dat Lagerfüür seten un “Fresenhof” sungen? He stait nu in een Reeg met Klaus Groth. Met sien Plaat ut dat Jaar 1976 hett he mehr för us Moderspraak daan as all de plietschen Lüüd ut Wetenschapp un Politik. Knut Kiesewetter is upp 28. Dezember doodbleven. He schall nu sien Graff upp hoge See finnen. Wi segget “Adjüüs”. Sien Musik blifft in us Hart, so lange as dat Plattdüütsch gifft.

Snorre Björkson

Freudenthal-Pries 2013

De Freudenthal-Pries gait dit Jåår an Reinhard Wulff för Lyrik un an Jürgen Kropp för Prosa. De twee deelt sik nu de Pries van 2500 EURO. De Freudenthal-Förderpries, de so nöömt Freudenthal-Anerkenning över 500 EURO gait an Karl-Heinz Madauß.

De Freudenthal-Pries is de öllste Pries för nige plattdüütsche Literatur. De Pries warrd dit Jåår in Soltau övergeven.

Plattdüütsch Flagg graleert de Winners!